> For the complete documentation index, see [llms.txt](https://lwin-moe-paing.gitbook.io/typescript-baby-by-lwin-moe-paing/llms.txt). Markdown versions of documentation pages are available by appending `.md` to page URLs; this page is available as [Markdown](https://lwin-moe-paing.gitbook.io/typescript-baby-by-lwin-moe-paing/typescript-config.md).
# Typescript Config
### Manual Config
Typescript စလုပ်တော့မယ် ဆိုရင် ချန်ထားလို့မရတာက config ချတာပဲဖြစ်ပါတယ် ။
`001-ts-compile-to-js` နာမည်နဲ့ ဖိုလ်ဒါ အသစ်တစ်ခု ဆောက်လိုက်ပါမယ် ။ အတွင်းမှာ `index.ts` ရယ် ၊ `math.js` ရယ် ၊ `tsconfig.json` ဆိုတဲ့ ဖိုင် (၃) ဖိုင် ပြုလုပ်ပါမယ် ။
`tsconfig.json` ထဲမှာ အောက်က code ကို save လိုက်ပါမယ် ။
```json
{
"compilerOptions": {
"strict": true,
"target": "ES5",
"module": "ESNext",
"outDir": "./dist"
}
}
```
`math.ts` ဖိုင်ထဲမှာ `add` function code ကို ရေးသားလိုက်ပါမယ် ။
```typescript
const add = (a: number, b: number) => {
return a + b;
};
export default add;
```
`index.ts` ဖိုင် ထဲမှာ အောက်က code ကို save လိုက်ပါမယ် ။
```typescript
import add from "./math";
const myName = "Lwin";
{
const myName = "Inner Scope Lwin";
const output = `My name is ${myName}`;
console.log(output);
}
add(1, 2);
```
စာဖတ်သူက `tsc` ဆိုတဲ့ command နဲ့ Terminal မှာ စမ်းလိုက်လို့ရပါတယ် ။ ဒါဆိုရင် `dist` ဆိုတဲ့ ဖိုလ်ဒါထဲမှာ javascript ဖိုင်တွေအဖြစ် ရောက်သွားတာကိုတွေ့ရမှာပါ ။
`tsconfig.json` ဆိုတဲ့ ဖိုင်က config ချတဲ့ ဖိုင်ဖြစ်ပါတယ် ။
`compilerOptions` ကို အဓိကထား လေ့လာသွားပါမယ် ။
ပထမဆုံးတွေ့ရတဲ့ `outDir` ဆိုတဲ့ Property အဓိပ္ပါယ်သည် `.js` ဖိုင်တွေကို ဘယ်ဖိုလ်ဒါ (Directory) ထဲမှာ ပြုလုပ်မယ်(ထွက်ရှိမယ်) ဆိုတာ သတ်မှတ်ခြင်း ဖြစ်ပါတယ် ။
`strict` ကို `true` လုပ်ထားတာ (Strict Type-Checking) ကို ဖွင့်ထားမယ်လို့ ဆိုလိုတာပါ ။ `undefined` , `null` တို့ကို သုံးတဲ့နေရာ မှန်ကန်ဖို့ရယ် ၊ Code Structure ကို ကျစ်ကျစ်လစ်လစ် ရှိစေချင်တဲ့ အတွက် အသုံးပြုကြ ပါတယ် ။
`target` ထဲမှာ `ES5` ကို ရွေးချယ်ထားပါတယ် ။ အဓိပ္ပါယ်က ထွက်လာမယ့် `.js` ဖိုင်တွေသည် Escma 5 version အဖြစ်သို့ ပြုလုပ်မယ်လို့ သတ်မှတ်ထားတာပါ ။
2009 ခုနှစ်မှာ ECMAScript 5 (ES5) က Release လုပ်ဖြစ်ခဲ့ပါတယ် ။ အခု Modern JavaScript ရေးထုံးတွေမှာ တွေ့ရတဲ့ `let` `const` တို့လို scope variable တွေ မရှိသေးပါဘူး ။ `var` တစ်လုံးပဲ သုံးလို့ရပါသေးတယ် ။
2015 မှာ ထွက်ရှိလာတဲ့ ECMAScript 6 ကျမှ ပိုပြီး Modern နဲ့ Readable ဖြစ်စေမယ့် Feature တွေ syntax တွေနဲ့အတူ ထွက်ရှိလာပါတယ် ။ ဥပမာ အားဖြင့် Arrow function `=>`, Template Literals, Destructuring လုပ်တာတွေပါ လာပါတယ် ။
> မှတ်ချက် ။ ။ 2015 မှာထွက်တဲ့ ES6 ကို ES2015 လို့လည်းခေါ်ဝေါ်ကြပါတယ် ။ ဒါ့ကြောင့် ES6 နဲ့ ES2015 က အတူတူပဲ ဖြစ်ပါတယ် ။
```typescript
{
"compilerOptions": {
// ... other configs
"target": "ESNext",
}
}
```
စာဖတ်သူက `target` ရဲ့ တန်ဖိုးကို `ESNext` လို့ပြောင်းပြီး `tsc` command နဲ့ JavaScript ဖိုင်ကို ပြောင်းကြည့်ပါ ။ ဒါဆိုရင် ထွက်လာမယ့် ဖိုင်တွေထဲမှာ `var` တွေမဟုတ်တော့ဘဲ Modern JavaScript ရေးထုံးတွေကို Support သွားမှာဖြစ်ပါတယ် ။
target ရဲ့ တန်ဖိုးနေရာမှာ "ES5", "ES6", "ES2015", ကနေ လက်ရှိ "ES2024" အထိ ကိုယ်ပြောင်းလဲချင်တဲ့ Version ရွေးချယ်လို့ရပါတယ် ။ `ESNext` ဆိုတာကတော့ နောက်ဆုံးလက်ရှိ ရောက်နေတဲ့ Version ကို ဆိုလိုချင်တာပါ ။
`module` ထဲမှာ `ESNext` ကို ရွေးချယ်ထားပါတယ် ။ ES6 ကနေစပြီးတော့ `import` နဲ့ `export` တို့ကို စပြီး Support နေပါပြီ ။ ကျွန်တော်တို့က NodeJs Environment အတွက်ပဲ ရေးသားမယ်ဆိုရင် `CommonJs` ကိုပြောင်းပြီး သုံးနိုင်ပါတယ် ။
အခြား ရွေးချယ်စရာ Module Type တွေအတွက် "UMD", "AMD", "System" တို့ ရှိပါသေးတယ် ။ သို့ပေ့မယ် ဒီစာအုပ်မှာတော့ အဲ့ Module type တွေတော့ အကျယ်တဝံ့ မရေးသွားတော့ပါဘူး ။
### Config Init with `tsc`
အရင်ဆုံး တည်ဆောက်ခဲ့တဲ့ `tsconfig.json` ကို delete လိုက်ပါမယ် ။ `tsc` command နဲ့ initialize လုပ်ပါမယ် အောက်က code ကို terminal မှာ စမ်းပေးပါ ။
```sh
tsc --init
```
ဒါဆိုရင် tsconfig.json ကို အလိုအလျောက် တည်ဆောက်သွားမှာဖြစ်ပြီး ၊ အထဲက code အတွင်းမှာလေ့လာလို့ရမယ့် လင့်ကို ဖော်ပြထားမှာဖြစ်ပါတယ် ။
---
# Agent Instructions
This documentation is published with GitBook. GitBook is the documentation platform designed so that both humans and AI agents can read, navigate, and reason over technical content effectively. Learn more at gitbook.com.
## Querying This Documentation
If you need additional information that is not directly available in this page, you can query the documentation dynamically by asking a question.
Perform an HTTP GET request on the current page URL with the `ask` query parameter, and the optional `goal` query parameter:
```
GET https://lwin-moe-paing.gitbook.io/typescript-baby-by-lwin-moe-paing/typescript-config.md?ask=&goal=
```
`ask` is the immediate question: it should be specific, self-contained, and written in natural language.
`goal` is optional and describes the broader end goal you are ultimately trying to accomplish on behalf of the user. GitBook uses it to tailor the answer towards what is most useful for that goal.
The response will contain a direct answer to the question and relevant excerpts and sources from the documentation.
Use this mechanism when the answer is not explicitly present in the current page, you need clarification or additional context, or you want to retrieve related documentation sections.